El guion de Oaxaca en dos, de Iñigo Cobo, ha resultado ganador en la modalidad de castellano del XV. Premio de Teatro Breve que organiza el emblemático Café Bar Bilbao de la Plaza Nueva de la capital vizcaína. En la pieza, un terremoto une una capilla mortuoria en México y un teatro en Bilbao a través de una grieta de miles de kilómetros.
Autoreak antzezlanetarako testuak idazten animetako eta gidoigintzeari bultzadatxua emoteko asmoz sortu eben Café Bar Bilbao taberneak eta Tartean Teatroa konpainiak antzerki laburreko testuen sariketea. Ekimen apal harek 15 edizino bete ditu dagoeneko eta, beraz, antzerkigintzan erreferente bihurtu da; horren erakusgarri, aurtengo sariketako datuak: 41 testu aurkeztu ditue, 28 gaztelaniaz eta 13 euskeraz, eta Mikel Martinez antolatzailearen arabera, kalidade handikoak izan dira gehienak.
Aurten lehenengoz, Sari Berezia emotea erabagi dabe lehiaketako antolatzaileek, Patxo Telleriak euskal antzerkigintzeari egin deutsan ekarpena eskertzeko asmoz. Ganera, Telleriak Tabernaria: Instrukzioak botatzeko ondo bat kaña gidoia idatzi dau sariketarako. Gaztelaniazko gidoien kategorian, Iñigo Cobo santurtziarrak irabazi dau, Oaxaca en dos lanari esker. Euskerazkoa, barriz, Oier Guillan oiartzuarrarentzat izan da, Ero, ia testuagaitik.
Iñigo Cobok idatzitako Oaxaca en dos estilo original eta harrigarri baten idatzitako pieza laburra da, egoera absurdoetan oinarritua. Izan be, lurrikara batek arrakalea eragiten dau eta Mexiko eta Bilbo lotzen ditu. Holan, hango eta hemengo persona biren arteko alkarrizketa absurdoa sortzen da. Cobok esan dauenez, “antzerkiaren lengoaiagaz esperimentau nahi izan dot.”
Informazio gehiago: Bizkaie.biz
